ஜி.எஸ்.டி. தள்ளுபடி திட்டத்திற்கு இன்னும் ஒரு மாதம் மட்டும் அவகாசம்.

தமிழகத்தில் 2017 – 18 முதல் 2019 – 20 வரையிலான மூன்று ஆண்டுகளில், 60,000 பேர் ஜி.எஸ்.டி. செலுத்தவில்லை, அவர்கள், ஜி.எஸ்.டி. கவுன்சில் வழங்கிய கால அவகாசத்திற்குள் நிலுவை வரியை செலுத்தினால், வட்டி மற்றும் அபராதம் தள்ளுபடி சலுகைகள் பெற முடியும்.

இந்த அவகாசம் வரும் மார்ச் 31-ம் தேதி வரை உள்ளது. இதன் அடிப்படையில், நிலுவை வைத்திருக்கும் வரிகளை சம்பந்தப்பட்டவர்களுக்கு மொபைல் போன், மின்னஞ்சல் மற்றும் தொலைபேசியில் தொடர்பு கொண்டு, வணிக வரித்துறை அவ்வாறு செலுத்துமாறு அறிவுறுத்தி வருகிறது.

ஜி.எஸ்.டி. தாக்கல், தணிக்கை மற்றும் ஆய்வு வாயிலாக தவறு கண்டுபிடிக்கப்பட்டால், சம்பந்தப்பட்டவர்களுக்கு ஒவ்வொரு நிதியாண்டிலும் வரி விதிப்பு ஆணை அனுப்பப்படுகிறது.

இந்த தள்ளுபடி திட்டத்தின் படி, 2017-18, 2018-19, 2019-20 இல் வழங்கப்பட்ட வரி விதிப்பு ஆணைகளின் அடிப்படையில் ஏராளமானோர், வரி, வட்டி மற்றும் அபராதம் ஆகியவற்றை செலுத்தாமல் உள்ளனர். ஆகையால், மார்ச் 31-ம் தேதிக்குள் நிலுவை வரியை செலுத்தும் பட்சத்தில், வட்டி மற்றும் அபராதத்தை தள்ளுபடி செய்யும் திட்டத்தை ஜி.எஸ்.டி. கவுன்சில் அறிவித்துள்ளது.

இந்த விபரத்தை, 60,000 பேர் நிலுவை வைத்திருப்பதாக, ஜி.எஸ்.டி. கவுன்சில் தமிழக வணிக வரித்துறைக்கு வழங்கியுள்ளது.

தள்ளுபடி திட்டத்திற்கு இன்னும் ஒரு மாதமே அவகாசம் உள்ளது.