உங்கள் கடனை நியாயமான வரம்பிற்குள் வைத்திருங்கள்:
உங்கள் செலவழிப்பு வருவாயில் 40% க்கும் அதிகமாக EMI கள் இருப்பதை உறுதிசெய்து கொள்ள வேண்டும். இருப்பினும், குறிப்பிட்ட சூழ்நிலைகளைப் பொறுத்து, இந்த எண்ணிக்கை மாறலாம்.
உங்கள் செலவுகளை கவனமாகக் கவனியுங்கள்:
முதலில் அடிப்படை செலவுகளை பட்டியலிட வேண்டும். மின்சாரக் கட்டணம் மற்றும் பள்ளிக் கட்டணம் போன்ற மிக முக்கியமான செலவுகளை பட்டியலில் முன்னுரிமை அளிக்க வேண்டும். முக்கியத்துவம் குறைந்தவற்றை கீழே வரிசை படுத்த வேண்டும்.
கடனை ஒருங்கிணைத்தல்:
உங்கள் கடன்களை ஒன்று அல்லது இரண்டு பெரிய கடன்களாக இணைப்பது புத்திசாலித்தனமாக இருக்கும். டாப்-அப் வீட்டுக் கடன் மூலம் பெரிய தொகையை வாங்கி சில்லறை கடன்களை அடைக்கலாம்.
கடன்கள் சரியான நேரத்தில் திருப்பிச் செலுத்தப்படுவதை உறுதிப்படுத்திக் கொள்ளுங்கள்:
ஒன்று அல்லது அதற்கு மேற்பட்ட கடன்களைத் சரியான நேரத்தில் திருப்பிச் செலுத்தாமல் இருந்தால் அது உங்களின் Credit Score -ஐ பாதிக்கும்.
அதிக வட்டி விகிதங்களைக் கொண்ட கடனைத் திருப்பிச் செலுத்துங்கள்:
ஊதிய உயர்வைப் பயன்படுத்தி முந்தைய கடனை அடைப்பதை வழக்கமாக்கிக் கொண்டால், கடனைத் திருப்பிச் செலுத்தும் காலம் வெகுவாகக் குறைக்கப்படும். மற்ற கடன்களை விட அதிக வட்டி விகிதத்தில் உள்ள கடன்களை திருப்பிச் செலுத்துவதற்கு முன்னுரிமை அளிக்கப்பட வேண்டும்.
கடனைத் திருப்பிச் செலுத்துவதற்கான திட்டத்தை உருவாக்கவும்:
அதிக வட்டி விகிதங்கள், குறுகிய திருப்பிச் செலுத்தும் விதிமுறைகள் மற்றும் முன்கூட்டியே செலுத்தும் அபராதங்கள் இல்லாமல் கடன்களை செலுத்துவதற்கு முன்னுரிமை கொடுக்க வேண்டும்.
