வெளிநாட்டு முதலீட்டாளர்கள் வெளியேறுதல் மற்றும் உலகளாவிய சூழலில் நிச்சயமற்ற தன்மை காரணமாக, உலகம் முழுவதும் பங்குச் சந்தைகளில் அழுத்தம் உள்ளது. இருப்பினும், மியூச்சுவல் ஃபண்ட் துறை சரிந்து வரும் சந்தையிலும் தொடர்ந்து ஹிட் அடித்து வருகிறது. ஜனவரி மாதத்தில் ஈக்விட்டி மியூச்சுவல் ஃபண்டுகளில் முதலீடுகள் ஓரளவு குறைந்தன, ஆனால் திறந்தநிலை ஈக்விட்டி மியூச்சுவல் ஃபண்டுகளில் தொடர்ந்து 47வது மாதமாக திரும்பப் பெறப்பட்டதை விட அதிக முதலீடுகளைப் பெற்றுள்ளன.
கடந்த சில மாதங்களில் மாதங்களாக இந்திய பங்குச் சந்தை அதிக விற்பனை அழுத்தத்தை கண்டாலும், ஜனவரியில் மியூச்சுவல் ஃபண்ட் முதலீடுகளில் சற்று சறுக்கல் இருந்தாலும் பெரும் வீழ்ச்சியை சந்திக்கவில்லை என்பது ஒரு நல்ல விஷயம்.
இந்திய மியூச்சுவல் ஃபண்ட் அசோசியேஷன் (AMFI) வெளியிட்டுள்ள தரவுகளின்படி ஜனவரி மாதத்தில் மியூச்சுவல் ஃபண்டுகளின் முதலீடு மாதந்திர அடிப்படையில் வெறும் 3.6 சதவீதம் குறைந்து ரூ.39,687.89 கோடியாக உள்ளது. இதே காலகட்டத்தில் எஸ்ஐபி முதலீடுகள் ரூ.26,459 கோடியிலிருந்து சற்று சரிந்து ரூ.26,400 கோடியாக குறைந்துள்ளது. அதே பங்குச் சந்தையில் பிஎஸ்இ சென்செக்ஸ் 1.28 சதவீதமும், நிஃப்டி 0.99 சதவீதமும் சரிந்தன. இந்திய மியூச்சுவல் ஃபண்ட் துறையின் நிர்வாகத்தின்கீழ் உள்ள நிகர சொத்துக்கள் (AUM) ஜனவரியில் ரூ.67.25 கோடியாக உயர்ந்துள்ளது.
திறந்த நிலை மியூச்சுவல் ஃபண்ட் திட்டங்கள் ஜனவரி மாதத்தில் 14.5 சதவீதம் உயர்ந்து ரூ.41,155.91 கோடியாக உயர்ந்துள்ளது. இந்த வகை முதலீடுகள் தொடர்ந்து 47வது மாதமாக அதிக முதலீடுகளைப் பெற்றிருப்பது கவனிக்க வேண்டிய ஒன்றாகும். அதேபோல ஈக்விட்டி ஃபண்ட் பிரிவில் ஸ்மால் கேப் ஃபண்டுகளின் முதலீடு 22.6 சதவீதம் உயர்ந்து ரூ.5,720.87 கோடியாகவும், மிட் கேப் ஃபண்டுகளின் முதலீடு சற்று உயர்ந்து ரூ.5,147.87 கோடியாகவும், லார்ஜ் கேப் மியூச்சுவல் ஃபண்டுகளின் முதலீடு 52.3 சதவீதம் உயர்ந்து ரூ.3,063.33 கோடியாகவும் பதிவாகி உள்ளன.
அதேசமயம் ஜனவரி மாதத்தில் NFO எண்ணிக்கை குறைந்ததால், துறைசார் நிதிகளின் முதலீடுகள் 41.2 சதவீதம் குறைந்து ரூ.9,016 கோடியாக உள்ளது. ஜனவரி 2025 நிலவரப்படி மியூச்சுவல் ஃபண்ட் ஃபோலியோக்கள் மொத்தம் 22,91,99,377 ஆக இருந்தன, இது டிசம்பர் 2024 நிலவரப்படி 22,50,03,545 ஆக இருந்தது.
.
