சென்னையில் இன்று தங்கத்தின் விலை சற்று குறைந்துள்ளது. கடந்த சில வாரங்களாக, தங்கம் விலை அதிகரித்து வந்த நிலையில், இன்று சவரனுக்கு ரூ. 360 குறைந்து, ஒரு சவரன் ரூ. 64,200க்கு விற்கப்படுகிறது. ஒரு கிராம் தங்கத்தின் விலை ரூ. 8,025 ஆகும். வெள்ளி விலை எந்த மாற்றத்தையும் சந்திக்காமல், ஒரு கிராம் வெள்ளி ரூ. 109 மற்றும் 1 கிலோ வெள்ளி ரூ. 1,09,000க்கு விற்பனை செய்யப்படுகிறது.
தங்கத்தின் விலை இந்தியாவில் தொடர்ந்து உயர்ந்துவருகிறது. கடந்த ஜனவரி மாதத்தில் ஒரு பவுன் தங்கம் ரூ. 60,000க்கு அதிகரித்திருந்தது. பின்னர், அமெரிக்க அதிபர் டிரம்ப் பதவியேற்ற பிறகு, போர் அபாயம் காரணமாக தங்கத்தில் முதலீடு அதிகரித்துள்ளது.
பிப்ரவரி 5ஆம் தேதி, ஒரு பவுன் தங்கம் ₹63,000க்கு விற்பனை செய்யப்பட்டது, பிப்ரவரி 11ஆம் தேதி ₹64,000 ஆக உயர்ந்தது. தற்போது, தங்கத்தின் விலை சிறிது சரிந்தாலும், பொதுமக்களிடையே அதிர்ச்சி உள்ளது. தங்கத்தின் விலை தொடர்ந்து உயர்ந்து வருவதால், மக்கள் குறைந்த விலையில் தங்கத்தை வாங்க விரும்புகிறார்கள்.
