உங்கள் குழந்தையின் உயர்கல்வி செலவுகளுக்கு மியூச்சுவல் ஃபண்ட் எப்படி உதவும்?

ஒவ்வொரு பெற்றோரின் மிகப்பெரிய கனவு, தங்கள் குழந்தைகள் வளர்ந்து பெரிய ஆளாக வரும்போது, அவர்களுக்குப் பிடித்த படிப்பையும், தடையில்லாத முன்னேற்றத்தையும் அமைத்துக் கொடுப்பதே. ஆனால், இன்றைய காலக்கட்டத்தில் கல்விச் செலவு ஆண்டுக்கு ஆண்டு 10% முதல் 12% வரை உயர்ந்து கொண்டே போகிறது.

இன்றைய நிலையில் ₹5 லட்சம் செலவாகும் ஒரு படிப்பு, இன்னும் 15 ஆண்டுகள் கழித்து ₹20 லட்சத்திற்கும் மேலாக உயர்ந்துவிடும். இந்தச் சவாலைச் சமாளிக்க சாதாரண வங்கிச் சேமிப்பு மட்டும் போதாது. அதற்கு மியூச்சுவல் ஃபண்ட் (Mutual Fund) ஒரு சிறந்த தீர்வாகும்.

ஏன் மியூச்சுவல் ஃபண்ட் சரியான தேர்வு?

வங்கி சேமிப்பு கணக்கு அல்லது Recurring Deposit (RD)-யில் கிடைக்கும் வட்டியை விட, மியூச்சுவல் ஃபண்ட் முதலீடுகள் நீண்ட காலத்தில் அதிக வருமானம் தரும் வாய்ப்பு கொண்டவை. இது பணவீக்கத்தை (Inflation) முறியடித்து, உங்கள் பணத்தின் மதிப்பை உயர்த்துகிறது. குறிப்பாக, SIP (Systematic Investment Plan) முறை மூலம் மாதம் ஒரு சிறிய தொகையை முதலீடு செய்வதன் மூலம், உங்கள் குழந்தையின் கல்லூரி காலத்திற்குள் ஒரு பெரிய நிதியை (Corpus) மிக எளிதாக உருவாக்கிவிட முடியும்.

ஒரு நேரடி உதாரணம்,

மியூச்சுவல் ஃபண்டில் உள்ள SIP முறையின் வலிமையை ஒரு எளிய கணக்கீடு மூலம் நாம் புரிந்துகொள்ளலாம்.

மாத முதலீடு: ₹5,000
முதலீட்டுக் காலம்: 15 ஆண்டுகள்
மொத்த முதலீடு: ₹9,00,000 (9 லட்சம் ரூபாய்)
எதிர்பார்க்கப்படும் சராசரி வருமானம்: 12% முதல் 15% வரை.

இந்தக் கணக்கீட்டின்படி, 12% வருமானம் கிடைத்தால் 15 ஆண்டுகள் முடிவில் உங்கள் கையில் சுமார் ₹25.2 லட்சம் இருக்கும். ஒருவேளை சந்தை இன்னும் சிறப்பாகச் செயல்பட்டு 15% வருமானம் கிடைத்தால், உங்கள் முதலீடு சுமார் ₹33.8 லட்சம் வரை உயர்ந்திருக்கும். நீங்கள் முதலீடு செய்த 9 லட்சம் ரூபாய், எந்தவித கடின உழைப்பும் இல்லாமல் வெறும் கால அவகாசம் மற்றும் கூட்டு வட்டியின் (Power of Compounding) மூலம் பல மடங்கு பெருகியிருப்பதே மியூச்சுவல் ஃபண்டின் மிகப்பெரிய சிறப்பாகும்.

தங்கம் அல்லது நிலம் வாங்குவது ஒருபுறம் இருந்தாலும், இன்று நீங்கள் தொடங்கும் ஒரு சிறு SIP, உங்கள் குழந்தையின் எதிர்காலத்தை பணக்கவலை இல்லாத ஒன்றாக மாற்றும்.