Aarthy 
மார்ச் 31 நெருங்கிவிட்டாலே, Salaried employee-க்கு இருக்கும் மிகப்பெரிய Tension வரி சேமிப்பு (Tax Saving) தான். இதில் பலரும் செய்யும் ஒரு பொதுவான தவறு, Leave Travel Allowance (LTA) எனப்படும் விடுமுறை பயணப்படியைச் சரியாகக் கோராதது.
கடைசி நேரத்தில் அவசரமாக விண்ணப்பிக்கும்போது செய்யும் சிறு தவறுகளால், பலருக்கு இந்த வரிச் சலுகை நிராகரிக்கப்படுகிறது. உங்கள் LTA Claim தள்ளுபடி ஆகாமல் இருக்க, நீங்கள் தெரிந்து கொள்ள வேண்டிய முக்கிய விஷயங்கள் இதோ:
LTA என்றால் என்ன?
நீங்கள் உங்கள் குடும்பத்துடன் (மனைவி, குழந்தைகள், சார்ந்திருக்கும் பெற்றோர் மற்றும் உடன்பிறந்தவர்கள்) இந்தியாவிற்குள் மேற்கொள்ளும் பயணச் செலவுகளுக்கு, வருமான வரிச் சட்டம் பிரிவு 10(5)-ன் கீழ் வரி விலக்கு பெறலாம். உங்கள் நிறுவனம் வழங்கும் இந்த Allowance முறையாகப் பயன்படுத்தினால், உங்கள் பயணச் செலவில் ஒரு பகுதியை வரி இல்லாமல் மிச்சப்படுத்தலாம்.
கவனிக்க வேண்டிய 4 விதிகள்:
1. பழைய வரி முறை (Old Tax Regime) மட்டுமே:
நீங்கள் புதிய வரி முறையை (New Tax Regime) தேர்ந்தெடுத்திருந்தால், உங்களுக்கு LTA சலுகை கிடைக்காது. பழைய வரி முறையில் இருப்பவர்கள் மட்டுமே இதைப் பயன்படுத்த முடியும்.
2. பயணச் சீட்டுக்கு மட்டுமே விலக்கு:
பலர் செய்யும் மிகப்பெரிய தவறு இதுதான். LTA என்பது உங்கள் பயண டிக்கெட் (Travel Tickets) செலவுக்கு மட்டுமே பொருந்தும்.
அனுமதிக்கப்படுபவை: விமான டிக்கெட் (Economy Class), ரயில் (First Class AC), அல்லது பேருந்து கட்டணம்.
அனுமதிக்கப்படாதவை: ஹோட்டல் தங்குமிடம், உணவுச் செலவுகள், உள்ளூர் கார் வாடகை, சுற்றிப் பார்க்கும் இடங்களுக்கான நுழைவுச் சீட்டு போன்றவை.
3. இந்தியாவிற்குள் மட்டுமே பயணம்:
LTA சலுகை உள்நாட்டுப் பயணங்களுக்கு மட்டுமே பொருந்தும். உங்கள் பயணத்தில் ஒரு பகுதி வெளிநாடாக இருந்தாலும், முழு பயணமும் இந்த வரி விலக்கிற்குத் தகுதியற்றதாகிவிடும். மேலும், Destination-க்கு செல்லும் மிகக் குறுகிய வழித்தடத்திற்கான (Shortest Route) கட்டணம் மட்டுமே கணக்கில் கொள்ளப்படும்.
4. பிளாக் இயர் (Block Year) விதிமுறை:
நான்கு ஆண்டுகள் கொண்ட ஒரு தொகுப்பில் (Block Year) இரண்டு முறை மட்டுமே இந்தச் சலுகையைப் பெற முடியும். தற்போதைய பிளாக் இயர் 2022 – 2025. ஒருவேளை இந்த நான்கு ஆண்டுகளில் ஒருமுறை கூட நீங்கள் பயன்படுத்தவில்லை என்றால், அடுத்த பிளாக்கின் முதல் ஆண்டில் (2026) அதை Carry Forward செய்து பயன்படுத்தலாம்.
பொதுவான தவறுகளைத் தவிர்க்க டிப்ஸ்:
சரியான ஆவணங்கள்: உங்கள் பயண டிக்கெட்டுகள், Boarding Passes மற்றும் Invoice-களைப் பத்திரமாக வைத்திருங்கள். உங்கள் நிறுவனம் இவற்றைச் சரிபார்த்த பின்னரே வரி விலக்கு அளிக்கும்.
உங்கள் நிறுவனத்தின் காலக்கெடுவிற்குள் ஆதாரங்களைச் சமர்ப்பியுங்கள். அதேபோல், வருமான வரித் தாக்கல் (ITR) செய்யும்போதும் தாமதிக்கக் கூடாது.
சுருக்கமாகச் சொன்னால், வரி சேமிப்பிற்கான தாரக மந்திரம் இதுதான், இந்தியாவிற்குள் பயணியுங்கள், பயணச்சீட்டை (Tickets) மட்டும் கணக்குக் காட்டுங்கள், பழைய வரி முறையையே (Old Tax Regime) தேர்ந்தெடுங்கள். இந்த மூன்றையும் சரியாகச் செய்தால், உங்கள் அடுத்த விடுமுறை பயணம் மனதிற்கு மட்டுமல்ல, உங்கள் பாக்கெட்டிற்கும் நிம்மதி தரும்.
