Mahalakshmi 
பிரபல அமெரிக்க பொருளாதார நிபுணர் Jeffrey Sachs கூறியுள்ள ஒரு நீண்டகால கணிப்பு தற்போது கவனத்தை ஈர்த்துள்ளது. அதாவது, 2100-ம் ஆண்டுக்குள் உலகப் பொருளாதாரத்தில் இந்தியா மிகப்பெரிய சக்தியாக உருவெடுக்க வாய்ப்புள்ளதாக அவர் தெரிவித்துள்ளார். ஏற்கனவே உலகின் முக்கிய பொருளாதார நாடுகளில் ஒன்றாக வளர்ந்து வரும் இந்தியா, எதிர்காலத்தில் இன்னும் பெரிய இடத்தைப் பிடிக்கலாம் என்பதுதான் அவருடைய கருத்து.
இந்தியாவின் வளர்ச்சிக்கு முக்கிய காரணங்களாக இளைஞர்களின் மக்கள் தொகை, தொழில்நுட்ப வளர்ச்சி, உற்பத்தித் துறை விரிவாக்கம், உள்கட்டமைப்பு மேம்பாடு மற்றும் கல்வியில் செய்யப்படும் முதலீடுகள் பார்க்கப்படுகின்றன. குறிப்பாக, உலகளாவிய நிறுவனங்கள் இந்தியாவில் தங்களுடைய உற்பத்தி மற்றும் தொழில்நுட்ப மையங்களை விரிவுபடுத்துவது இந்தியப் பொருளாதாரத்திற்கு புதிய வாய்ப்புகளை உருவாக்குகிறது. இந்த வளர்ச்சி தொடர்ந்து நீடித்தால், சர்வதேச வர்த்தகத்திலும் முதலீட்டிலும் இந்தியாவின் பங்கு அதிகரிக்கலாம்.
ஆனால், 2100-க்குள் உலகின் No.1 பொருளாதார நாடாக மாறுவது என்பது எளிதான இலக்கு கிடையாது. வேலைவாய்ப்பு உருவாக்கம், வறுமையைக் குறைத்தல், கல்வி மற்றும் சுகாதார வசதிகளை மேம்படுத்துதல், தொழில்நுட்பத்தில் முன்னேறுதல் போன்ற பல சவால்களை இந்தியா எதிர்கொள்ள வேண்டியுள்ளது. Jeffrey Sachs-ன் இந்தக் கணிப்பு நனவாகுமா என்பது எதிர்கால வளர்ச்சியைப் பொறுத்தது.
