Sekar 
முதலீடு செய்ய நினைக்கும் பெரும்பாலானவர்களின் மனதில் இருக்கும் முதல் கேள்வி இதுதான் Mutual Fund-ல் நஷ்டம் வருமா? பலர் இதை Fixed deposit (FD) மாதிரி பாதுகாப்பானதா என்று நினைத்து குழம்புகிறார்கள். உண்மையில் வங்கி சேமிப்பு கணக்கு அல்ல; இது பங்குச்சந்தையை சார்ந்த முதலீடு. பங்குச்சந்தை உயர்ந்தால் முதலீட்டு மதிப்பு உயரும், சந்தை குறைந்தால் மதிப்பு குறையும்.
குறுகிய கால முதலீட்டின் ஆபத்து:
அதனால், குறுகிய காலத்தில் முதலீடு செய்தால் நஷ்டம் காண வாய்ப்பு இருக்கிறது. பலர் 3 மாதம் அல்லது 6 மாதம் முதலீடு செய்து உடனே லாபம் எதிர்பார்க்கிறார்கள். ஆனால் பங்குச்சந்தை குறுகிய காலத்தில் நிலையாக இருக்காது. மியூச்சுவல் ஃபண்ட் என்பது குறைந்தது 5 ஆண்டுகள் போன்ற நீண்டகால முதலீடாக பார்க்கப்பட வேண்டும். ஒரு ஆண்டுக்குள் பணத்தை எடுத்தால் நஷ்டம் வருவது சாதாரணம்.
சந்தை வீழ்ச்சியில் பணம் எடுப்பது:
சந்தை வீழ்ச்சி நேரத்தில் பணத்தை எடுத்தால் தான் உண்மையான நஷ்டம் ஏற்படும். உதாரணமாக, நீங்கள் ஒரு லட்சம் ரூபாய் முதலீடு செய்தபின் சந்தை குறைந்து அதன் மதிப்பு எண்பத்தைந்து ஆயிரமாக ஆகிவிட்டால் அந்த நேரத்தில் பணத்தை எடுத்தால் நஷ்டம் உறுதி. ஆனால் காத்திருந்தால் சந்தை மீண்டும் உயரும்போது முதலீட்டு மதிப்பும் வளர வாய்ப்பு உள்ளது. பணத்தை எடுக்கும் வரை அது காகிதத்தில் உள்ள நஷ்டம் மட்டுமே.
சரியான ஃபண்ட் தேர்வு முக்கியம்:
மேலும் எல்லா மியூச்சுவல் ஃபண்டுகளும் ஒரே மாதிரி அல்ல. பெரிய நிறுவனங்களில் முதலீடு செய்யும் ஃபண்டுகள் குறைந்த ஆபத்து கொண்டவை; சிறிய நிறுவனங்களில் முதலீடு செய்யும் ஃபண்டுகள் அதிக ஆபத்து கொண்டவை. தொடக்கநிலை முதலீட்டாளர்கள் அதிக ஆபத்து உள்ள ஃபண்டுகளை தேர்வு செய்தால் நஷ்டம் ஏற்படலாம்.
Fixed Deposit மற்றும் மியூச்சுவல் ஃபண்ட் வித்தியாசம்:
மியூச்சுவல் ஃபண்ட் மற்றும் Fixed deposit இடையே முக்கியமான வித்தியாசம் என்னவெனில், வங்கியில் வருமானம் உத்தரவாதமானது ஆனால் குறைவு; மியூச்சுவல் ஃபண்டில் உத்தரவாதம் இல்லாதபோதிலும் நீண்டகாலத்தில் அதிக வருமான வாய்ப்பு உள்ளது. பணவீக்கத்தை மீறி பணம் வளர வாய்ப்பும் உள்ளது.
முடிவாக சொல்ல வேண்டுமெனில், மியூச்சுவல் ஃபண்டில் நஷ்டம் வருவதற்கு முக்கிய காரணம் சந்தை அல்ல, முதலீட்டாளரின் அவசர முடிவுகள் தான். சந்தை உயரும்போது முதலீடு செய்து, சந்தை குறையும்போது பயந்து பணத்தை எடுப்பதே உண்மையான நஷ்டத்தை ஏற்படுத்துகிறது.
