Mahalakshmi 
இன்றைய காலகட்டத்தில் முதலீடு என்பது இந்திய பங்குச்சந்தையோடு மட்டும் நின்றுவிட வேண்டிய அவசியமில்லை. உலகின் மிகப்பெரிய நிறுவனங்களான Apple, Microsoft, Google, Amazon, NVIDIA போன்ற நிறுவனங்களில் முதலீடு செய்ய அமெரிக்க பங்குச்சந்தையும் ஒரு வாய்ப்பை வழங்குகிறது. இந்தியாவில் இருக்கும் முதலீட்டாளர்களும் குறிப்பிட்ட வழிமுறைகளைப் பின்பற்றி US Stocks மற்றும் US-based ETFs-ல் முதலீடு செய்ய முடியும். இதன் மூலம் உலகளாவிய நிறுவனங்களின் வளர்ச்சியில் பங்குபெற வாய்ப்பு கிடைக்கிறது.
அதே நேரத்தில் US Stocks-ல் முதலீடு செய்யும்போது சில முக்கியமான விஷயங்களைக் கவனிக்க வேண்டும். குறிப்பாக Dollar மற்றும் Rupee இடையிலான Currency Risk, அமெரிக்க பங்குச்சந்தையின் ஏற்ற இறக்கங்கள், நிறுவனங்களின் Valuation மற்றும் வெளிநாட்டு முதலீடுகளுக்கான வரி விதிமுறைகள் ஆகியவற்றைப் புரிந்துகொள்ள வேண்டும். அமெரிக்க சந்தை உயர்ந்தாலும், ரூபாயின் மதிப்பு டாலருக்கு எதிராக மாறும்போது நம்முடைய முதலீட்டின் இந்திய ரூபாய் மதிப்பிலும் தாக்கம் ஏற்படலாம்.
அப்படியானால் இந்திய முதலீட்டாளர்கள் US Stocks-ல் முதலீடு செய்யலாமா? முதலில் நம்முடைய Financial Goals, முதலீட்டுக் காலம் மற்றும் Risk Tolerance ஆகியவற்றை மதிப்பீடு செய்ய வேண்டும். இந்திய பங்குச்சந்தையில் மட்டும் முதலீடு செய்வதற்குப் பதிலாக, தேவைக்கேற்ப சர்வதேச முதலீடுகளையும் Portfolio-வில் ஒரு பகுதியாகச் சேர்ப்பது Diversification-க்கு உதவலாம். ஆனால் மற்றவர்கள் லாபம் பார்க்கிறார்கள் என்பதற்காக முதலீடு செய்யாமல், நன்கு ஆராய்ந்து முடிவெடுப்பதே முக்கியம்.
